78 persónbilar.
Hetta var talið av bilum, sum føroysku bilasølurnar seldu í farna mánaði.
Í mun til sama mánað í fjør er hetta ein vøkstur uppá tríggjar bilar, sum aftur svarar til sløk 29 prosent.
Um hugt verður eftir samlaða talinum fyrstu tríggjar ársfjórðingarnar í ár, er eisini ein týðiligur munur á:
Í fjør vórðu bert seldir 491 bilar, meðan talið í ár er komið heilt uppá 633 persónbilar - altso 142 fleiri.
113
Ein annar bólkur av akførum sum stórur vøkstur er í, eru viðfestisvognarnir. Bara í september mánaði vóru 13 slíkir seldir, sum eru sjey fleiri enn í fjør. Hetta svarar aftur til eina øking uppá sløk 27 prosent.
Higartil í ár eru 17 fleiri viðfestivognar seldir enn í fjør: 80 í ár, ímóti 63 í fjør.
Prosentvís er talið av seldum motorsúkklum eisini á sama støði, hóast talið av akførum er minni. Í farna mánaði vóru 5 súkklur seldar, ímóti 1 í fjør. Hinvegin er talið av seldum prutlum minkað úr 10 niður í 6 í september.
Í alt vóru 113 akfør seld í september, ímóti 104 í fjør. Hetta er ein vøkstur uppá 12 prosent.
Eingin pylsuvognur
Hagtølini frá Akstovuni vísa, at í ár er eingin nýggjur pylsuvognur seldur.
Samstundis kann staðfestast, at í farna mánaði varð heldur eingin brandbilur, eingin kampingvognur, leguvognur, líkvognur, neyðsendakfar, smábussar, tangabilar, sópimaskina og heldur traktorur seldur.
Í roynd og veru er eingin nýggjur brandbilur og eingin nýggj sópimaskina seld í ár.
BILSØLA
Fleiri nýggir bilar vórðu seldir í farna mánaði, enn um somu tíð í fjør
