- Arbeiðið at spreingja nýggju goymslutunlarnar í Fuglafirði gongur eftir ætlan.
Tað veit Havsbrún at siga í dag.
Víst verður á, at seinasta fríggjadag vóru 115 metrar sprongdir út av tí ytru høllini - og 100 metrar av tí innaru høllini, sí viðheftu mynd.
- Sprongt verður tvær ferðir um dagin. Fyri hvørt skotið koma vit fimm metrar inn í fjallið, og soleiðis verða 10 metrar av tunli gjørdir um dagin.
Havsbrún veit at siga, at arbeitt verður í seks dagar um vikuna, og við tveimum skotum um dagin verða 60 metrar av tunli gjørdir um vikuna.
