Í dag eru 45 ár liðin síðan John F. Kennedy, forseti í USA, varð myrdur í Dallas í Texas.
Hóast tær almennu frásagnirnar í USA siga, at tað var Lee Harvey Oswald, sum myrdi forsetan, so eru ikki øll á einum máli um tað, tað eru nógvar gitingar um hvør myrdi John F. Kennedy. - í 2017 verða øll skjøl í málinum almannakunngjørd, kanska kemur okkurt nýtt fram tá.
Nógv eru tey, sum halda at amerikanska mafian stóð aftanfyri morðið. Onnur halda at tað var stjórnin á Kuba, við Kastro á odda, sum eigur ábyrgdina av morðinum.
Lee Harvey Oswald varð skotin tveir dagar eftir morðið á John F. Kennedy, so sjálvandi eru nógvar gitingar um hvussu alt fór fram. Tað var náttklubbaeigarin Jack Ruby, sum skeyt Oswald.
