Vindurin vekstur støðugt. Sambært lv.fo er tað rættuliga ymiskt, hvussu hann er ættaður kring landið, nú lágtrýsið er so nær Føroyum. Vindstyrkin er eisini rættuliga ymisk. Mesti vindurin í løtuni er á Norðradalsskarði, har tað í hvirlunum er upp í 44 metrar um sekundið av útsynningi. Forsøgnin sigur, at vindurin fer at vaksa, sum tað líður út á kvøldið.
Veðrið ávirkar siglingina hjá bæði Smyrli og Ternuni. Sambært heimasíðuni hjá Strandferðsluni, so fer Ternan fyri síðstu ferð í kvøld av Havnini klokkan 19 og úr Nólsoy klokkan 19.25.
Smyril siglir ikki meiri í dag, og í morgin er ferðaætlanin broytt. Á ssl.fo verður sagt, at Smyril fer at Krambatanga sunnumorgunin klokkan 7.00, og at hann fer av aftur Havnini klokkan 9.30. Túrarnir í morgin av Krambatanga klokkan 17.30 og av Havnini klokkan 20.00 verða ikki sigldir.
