Mánadagin byrja 43 næmingar á Ítróttaháskúlanum í Suðuroy. Guðmundur Joensen, háskúlaleiðari, sigur, at áhugin fyri at sleppa á Ítróttaháskúlan í Suðuroy er sera stórur og skúlin fekk fleiri enn 90 tilmeldingar til heystskeiðið.
Tað eru longu nú nógvar tilmeldingar til komandi ár, bæði til várskeiðið og heystskeiðið 2019, sigur Guðmundur Joensen við sudurras.fo.
Til ber at melda til bæði várskeiðið 2019, heystskeiðið 2019 og til ársskeiðið 2019-2020, skrivar Suðurrás.
