Í minsta lagi 40 fólk fingu skaða í einum busssamanstoyti í New York í gjár.
Tað veit søkkiliðsumsitingin í amerikanska stórbýnum at siga sambært tíðindamiðlinum, FDNY.
Av teimum 40, vórðu 18 fólk flutt á sjúkrahús - tey flestu tó við smærri skaðum.
Tað var klokkan 19 í gjárkvøldið, at ein bussur í tveimum hæddum koyrdi inn í afturpartin á einum býarbussi.
Hendingin fór fram á krossinum millum First Avenue og 23rd Street í býnum.
Báðir bussarnir vóru fullir við fólki, og 63 ferðandi fingu heilsuhjálp og aðra hjálp á staðnum.
Onkur av teimum løstaðu hevði skorið seg, og onnur høvdu ymiskar skeinur.
Nøkur ferðafólk vórðu eisini viðgjørd fyri møgulig beinbrot og skaðar í høvdi og nakka.
Tað eru eitt nú tíðindastovurnar, NTB og Dagbladet, sum endurgeva amerikanska tíðindamiðilin, FDNY.
