Á býráðsfundinum í Havn í gjárkvøldið vórðu 4 milliónir krónur játtaðar til at fara í gongd við at fyrireika verkætlanina endaliga at gera langhyl í Gundadali.
Talan verður um at beina burtur ÍSF-húsið, rigga byggipláss til og at fara undir jørð- og lendisarbeiðið.
Høvuðsverkætlanin fer til politiska viðgerð um nakrar vikur og verður ætlandi boðin út í summar, skrivar heimasíðani hjá Tórshavnar kommunu.
Farið verður undir sjálva byggiverkætlanina í heyst.
