30.000 í part fyri »fólksins ogn«

Hann sær fyri sær, at øll fiski­vinnu- og aliloyvi verða selda á upp­boðs­sølu í frí­ari kapp­­ing. Virð­ið av hes­um met­­ir hann at liggja um 1,5 mill­­i­ardir krónur. Tað sum svar­ar til um 30.000 krónur til hvønn føroying.

Hann sær fyri sær, at með­an lands­kass­in fær helm­ing­in av hesum, so kann hvør før­oy­ing­ur fáa út­gold­ið 15.000 krón­ur skatt­a­frítt á hvørj­um ári. Fyri eitt hús­ar­hald við fimm fólkum merkir hetta, at tey fáa 75.000 krónur útgoldið skattafrítt um árið – sum kemur oman á alla inntøku annars.

Rói Egholm vísir á, at støk foreldur við tveimum børnum soleiðis fáa 45.000 skattafríar krónur, og at eitt pen­sjón­ist­a­par fær 30.000 skatt­a­frí­ar krónur.

Hann vísir soleiðis á tríggj­ar »val­møg­u­lei­kar«, sum vit hava:
– At býta pen­ing­in javnt mill­um før­oy­ing­ar, sum víst om­an­fyri.

– At allur ágóðin fer til lands­kass­an.
– At vit øll frásiga okkum hes­ar inn­tøk­ur og geva lands­stýr­is­mann­i­num ­virð­ini, sum hann so frítt kann út­flýggja út­vald­um før­oy­ing­um og út­lend­ing­um.

Rói Egholm heldur, at eingin keypir eitt loyvi á uppboðssølu, uttan at vita, at vinningur fæst burturúr.
– Um fyritøkurnar, sum virka í dag, eru kapp­ing­ar­før­ar, so vinna tær fríu kapp­ing­ina, heldur hann. Men ver­andi fyr­i­tøkur, sum ikki klára at keypa síni rætt­ind­ini til rá­vør­una í fríari kapping, eru ikki kapp­ing­ar­før­ar, og eiga tí ikki at vera í vinnuni, sigur Rói Egholm.