Løgreglan hevur havt eftirlit við Sands og Skopunar skúla seinastu dagarnar og fylgt við, um fólk halda ferðslulógina, tá tey koyra børnini í skúla.
Av løgreglustøðini verður sagt, at fólk sum heild koyra hampiligt og halda ferðslulógina. Einans 10 bilførarar vóru revsaðir fyri eitthvørt. Tríggir teirra koyrdu uttan trygdarbelti og tveir uttan koyrikortið á sær. Tríggir bilar høvdu lyktafeil, meðan ein hevði ov slitin dekk. Eisini var ein førari á prutli tikin, hann hevði ikki koyrikort til prutl, meðan in ATV-førari varð revsaður fyri at koyra uttan hjálm, ryggverju, trygging og skráseting av akfarinum hjá sær.
Løgreglan í norðurøkinum hevur verið í Eysturoynni í nátt og klipt nummarplátur.
Annars boðar løgreglan frá einum stak friðarligum vikuskifti.
