Fýra mál vóru á skránni fyri tingfundin, ið varð settur klokkan hálvgum tvey hósdagin í seinastu viku. Talan var um eina atkvøðugreiðslu, tvær aðru viðgerðir og eina fyrstu viðgerð.
Fyrst á skránni var atkvøðugreiðsla um fyrispurning nummar 100-11/1999 til Signar á Brúnni, landsstýrismann, frá Rúnu Sivertsen, løgtingskvinnu, viðvíkjandi Skúlanum á Trøðni. Samtykt varð uttan atkvøðugreiðslu, at fyrispurningurin skulu svarast.
Eftir hetta var onnur viðgerð av tingmáli 1-3/1999, sum er uppskot til eykajáttanarløgtingslóg fyri november 1999 -1. Uppskotið varð samtykt við 23 atkvøðum fyri, ongari ímóti og ongari blankari. Tískil fór uppskotið samtykt til triðju viðgerð, sum verður á tingfundinum í dag.
Hin onnur viðgerðin var av tingmáli 10/1999, sum var uppskot til løgtingslóg um íløgugrunn til endurnýggjan av veiðiflotanum. Uppskotið fall við atkvøðugreiðsluna við 11 atkvøðum ímóti, 6 blonkum og 9 fyri.
Seinast á skránni var fyrsta viðgerð av tingmáli nummar 16/1999, sum er uppskot til løgtingslóg um broyting í løgtingslóg um minstuløn og dagsstudning. Málið varð beint í vinnunevndina.
Tingfundurin var lokin klokkan 15:55.
