Tað var 26 ára gamli, Jo Aron Kvinge Rogne, úr Longva í Møre og Romsdal í Noregi, sum fór fyri borð og læt lív, tá teir við frystitrolaranum, Langenes, fiskaðu uppi við Bjarnoynna.
Hendingin fór fram týsdagin, og tað var klokkan 19.53 henda dagin, at Høvuðsbjargingarstøðin fekk boð frá trolaranum um støðuna. Umborð á skipinum søgdu teir seg sakna ein mann.
Leiting varð sett í verk beinanvegin, men í gjár varð hildið, at ikki var meira at leita eftir. Kystmagasinet.no veit at siga, at navnið á manninum er almannakunngjørt eftir avtalu við familju hansara.
Reiðarin hjá hinum 26 ára gamla, Tore Roaldsnes í reiðarínum Bluewild, sigur við norska kringvarpið NRK, at hetta er ein tragisk vanlukka.
Kystmagasinet.no veit at siga, at 12 skip og tvær tyrlur luttóku í leitingini eftir Jo Aron Kvinge Rogne, men tíverri kom maðurin ikki afturíaftur.
