Dagin eftir setti nýggja flaggskip føroyinga kós úr Travemünde til Føroya.
Sosialurin skrivaði soleiðis frá hendgingini:
Travemünde: Um middagsleiti týsdagin 8. apríl legði nýggja Norrøna frá bryggju í Travemünde við kós móti Havnini. Við skipinum eru umleið 250 ferðafólk, teirra millum eisini innbodnir úr gestir úr Føroyum, Íslandi, Hetlandi, Týsklandi, Danmark og Noregi. Umframt føroysk tíðindafólk eru um hálvthundrað útlendsk tíðinda- fólk við.
Samstundis sum føroyingar kunnu fegnast um at hava fingið hetta glæsiliga far, so harmast arbeiðsfólkið á Flender Werft, tí við yvirtøkuni av Norrønu, fer skipasmiðjan samstundis í søguna, og øll arbeiðsfólkini missa størv síni.
##med9##
Flender Werft er farið á húsagang, og var byggingin av Norrønu seinasta uppgávan hjá búnum.
Nýggja Norrøna kostar umleið 700 mió krónur. Skipið er fíggjað í Týsklandi, og er tað bankin FKW, sum samskipar fíggingina. Lánið er 520 milliónir krónur, restin er eginfígging. Rentan er 4,5% og fyrsta árið er avdráttarfrítt.
##med2##
Skipið var formliga tikið yvir kl 15:56 mándagin á høvuðsskrivstovuni hjá Flender Werft í Lübeck, har Tórmóður Djurhuus, nevndarformaður, Óli Hammer, stjóri, skipasmiðjuumboð og bankaumboð skrivaðu undir skjølini, og har eisini Óli Hans Hammer Olsen, stjóri á Skipasýninum, góðkendi pappírini.
##med3##
Norrøna er 36.000 brt, og er hon tríggjar ferðir so stór, sum gamla Norrøna. Hetta er størsta einstaka privata verkætlan í føroyskari søgu nakrantíð.
Norrøna er 164,5 metrar long, hon er 30 metrar breið. Deyðvektin er 4.300 tons, og ferðin er 21 míl.
Høvuðsmotorar hava 30.000 HK, bógskrúvur 6.000 HK. Skipið tekur 1.482 ferðafólk, og manningin telur 118. Skipið tekur 800 bilar ella 130 trailarar.
##med4##
##med5##
##med6##
##med7##
##med8##
