200
Fullveldis punkrokkur, ið hevur lagt Føroyar fyri sínar føtur, og nú bíðar útlandið við luttøku á festivalinum í Århus og Roskilde.
All That Rain
Ein tann besti dansibólkurin í Føroyum, ið hevur fingið nýtt lív í lagaskrivingina og er vorðin ein veruliga góður konsertbólk.
Anna Háberg
Inniligar tolkingar av kendum føroyskum gospel tónleiki og minni kendum útlendskum løgum, sungin av Annu og spæld av kreminum innan føroyskt gospel.
Annika Hoydal
Fólkatónleikur í eini breiðari merking og fólkaogn í enn breiðari merking, í eitt mannaminni íblásturskelda fyri yngri songkvinnur, og enn virkin og spennandi.
Anytime
Barnastjørnan Brandur Enni er vorðin vaksin og borðreiðir við nýskrivaðum popp/rokki smíðaðum saman við kendum sangskrivarum í Svøríki.
B-Ter
Popputt Hip Hop við forritaðum rútmum og livandi rappi frá Petur Storm Wich, altíð rappa á føroyskum.
Búi Dam
Ein egin samanrenning av kontri og fólkatónleiki við einum yrkingaligum twisti, ið eru søgur um sorgblídni, girnd og konufólk
Cantabile
Sameining av einum av teimum mest spennandi føroysku kórunum, ið savnaði nakrar av bestu genturøddunum um tónleikin og útsetingarnar hjá Paula í Sandagerði.
Crawling Blue
Siðbundin blúsur, við oddamanninum innan føroyskt blús Una Reinert Debess, ið her leitar aftur til røturnar.
Crazy Miss Daisy
Bleytur og kensluborin popp/rokkur borin av einum kassagittara, sprottin úr tónleikaumhvørvinum á Studentaskúlanum í Hoydølum.
Deiggj
Tolkingar av 70ára rokki, blandaðar við inniligum og sera føroyskum fólkarokki, altíð væl og hjartaligt spælt og sungi
Deja Vu.
Ein sveimandi og droymandi streymur av tónum, ið dregur lurtaran inn í alheimin hjá bólkinum. Men mest av øllum væl framborin frálík løg.
Dropar
24 sangarar og 4 tónleikarar í aldrinum 10-14 ár, ið spæla og syngja rútmiskan kórsang til børn og vaksin, hetta er barnakórið hjá Tórshavnar Mussikskúla.
<st1:PersonName w:st="on" ProductID="Ey?un Jacobsen "$?$end$!$Eyðun Jacobsen</st1:PersonName$?$end$!$<BR>Kristin tónleikur sum ber brá av rokki og poppi, ofta merktur av tí aukustiska, hetta er tónleikur íð veruliga skal merkjast.
Eyðun Nolsøe
Ein av fólkakærastu føroysku sangskrivarunum við øllum landaplágunum, ið hann hevur smíðað sum einstaklingur og í Frændum.
Fagrir Fuglar
Samstarv millum Karsten Vogel og Kristian Blak, ið skapti eina suitu um føroyska veðrið í 1980, nú í eini nýggjari útgávu men enn sum 6-tett.
Føroya Klarinettorkestur
20 klarinettleikarar í aldrinum 14-20 ár spæla undirhaldstónleik og filmtónleik. Hetta er ein verkætlan undir føroysku Musikkskúlaskipanini.
Føroya Sving Ting
Nakrir av okkara bestu tónleikarum og sangarum spæla og syngja vælklingandi standard jass og swingtónleik við stórum íblástri frá Manhattan Transfers.
Hanus G. Johansen
Sjarmerandi og bergtakandi rødd og ein útstráling, ið er ófatlig, bera ein stóran sangskatt fram við sera nærverandi framførslum, ið fara beint inn í hjartað.
Hatespeech
Harður og kontantur rokkur við rót í føroyskum ruskmálmi, bólkurin hevur tó nógvan fingið íblástur úr alskyns tónleikagreinum, og er vorðin alsamt meira melidiøsur.
Høgni Lisberg
Inniligur sangskrivari og sangari, ið hevur rakt beint í hjarta á føroyska lurtaranum, við síni egnu og góðu rødd og fangandi løgum.
Ineptus
Mega harður tónleikur og rættiliga friðarligur tónleik, ið samanumtikið ferðast innan harðan rokk, stutt sagt nýggjur og spennandi tónleikur.
Isadora & The Rebels
Serliga og bergtakandi røddin hjá Guðrið Hansen, og hennara kontrikenda gittarspæl, væl stuðlað av dugnaligum tónleikarum.
Jazztrio
Jassur í heimsflokki spældur av tónlistarliga dugnaligastu trioini, ið føroyingar hava átt, nøvnini Leivur Thomsen, Arnold Ludvig og Rógvi á Rógvu siga alt.
Kamarkórið
Feskur og spennandi kórsangur, altíð við eini sangskráð, ið er nakað fyri seg, m.a. verk hjá kórleiðaranum Kára Bæk.
Kári Sverrisson
Ein tann mest sermerkta føroyska sangrøddin, ið hevur skrivað føroyska tónleikasøgu í Enekk og sum solistur, hesaferð væl stuðlaður av Arnoldi Ludvig og Rógva á Rógvu.
Knút Háberg Eysturstein
Innilig løg sungin við nógvari innligvin og við heilt serligu røddini hjá Knúti, ið er ein tann mest markanti tónleikarin á føroyska tónleikapallinum seinastu árini.
Lama Sea
Konsentrera gleði verður oyst av pallinum, tá hesin bólkur spælir sín heilt egna jaliga gleðisrokk, ið flytur tankarnar til bólkar sum Franz Ferdinand.
Látipípan
30 blásarar av nógvum ymiskum slag, bæði træ og messing og ein rútmubólkur við 5 tónleikarum í aldrinum 10-15 ár Látipípan er harmoniorkestrið hjá Tórshavnar musikkskúla.
Lena
Ein ómetaliga innilig rødd, ið rørir við hjarta, tá hon syngur sínar søgur, og tveir kassagittarar, ið kenna hvør annan eins væl og hjúnini á pallinum, teirra konsertir eru altíð minniligar.
Lív Hansen
bleytur, eymur og væl skrivaður singer/songwriter kendur tónleikur, sungin av eini frálíkari rødd og framført inniligt og ógviliga intimt.
Magni Christiansen
Ein av allar best umtóktu kristnu songrøddunum í Føroyum, við einum sterkum kontridámi, arbeiðir í løtuni við nýggju fløguni, ið er innspæld í Nashville og kemur út í næstum
Makrel
Vakur rokkur, ið spælir á hjartastreingir, inniliga røddin hjá Ára Rouch er fylt við pínu meðan gittarspælið hjá Rasmusi Rasmussen er gandakent og egið.
Marius
Væl tilrættalagdur óljóðspoppur, við eini sterkari bólkakenslu. Karismatiski Hans Marius verður borin av tryggum botni og dugnaligum tónleiki.
Nanoscopic
Elektroniskur trance tónleikur spældur við eitt sindur av tí sama villskapinum, sum vit vanliga kenna frá Gulla Johannesen, ið er búnaður sum tónasmiður og forritari.
Páll Finnur Páll
Fangandi og syngivið-vinarlig poppløg, og tekstir, ið eru væl hinumegin tað vanliga, og ikki alt er borðbart, bólkurin er fólkaogn.
Petur Háberg
Eitt slag av gospel í nútímans hami. Rættiliga rokk og poppkendur singer/songwriter tónleikur, sungið frekt á ein hátt, ið gevur tónleikinum eina eyka dimensión.
Petur Pólson
Ein myrkur vakurleiki í tí, ið við fyrsta egnakasti kann tykjast ljótt. Hetta er heilt serligur tónleikur, við greiðum ávísingum til Nick Cave og hansara líku.
Poppkorn
Føroya fyrsti gentubólkur gjørdist Føroya besti nýggi bólkur. Hetta eru fangandi poppløg, framførd av mr. popp Kára Jacobsen og fimm sjarmerandi ungum sandsgentum.
Pætur við Keldu
Poppur borin fram við bergtakandi innliving og inniligheit av eini av okkara heilt góðu songrøddum og framúr klaverleikarum.
Rókur Jakobsen
Vakrar løtumyndir av kærleika, ið sera friðarligum singer/songwriter hami. Rókur tónlistarliga óvanliga væl begávaður og ein tann besta mannliga songrøddin í Føroyum.
Rowan
RocknRoll spælt við við RocknRoll attitútu av einum manni, Rowan er vestmenningurin Róin Siggertson, ið mest er virkin á danska tónleikapallinum, men sum javnan leitar heim aftur.
Rútmiska Kórið í Hoydølum
Eitt sera týdningarmikið kór ikki bara sum eitt gott og frískt kór, men eisini sum ein mentanarlig institutión, ið hevur framført serliga spennandi og nýskapandi konsertir og sangleikir.
Safir
Glaður og tristur tónleikur, ið bara riggar tónlistarliga. Tað, at røddirnar eru so ymiskar, men allíkavæl rigga saman, oman á botninum av gittari og cello, skapar serliga Safir ljóðið.
Sic
Ein sannur veggur av deyðsmálmi, við einum av sterkasta oddamonnunum í føroyskum tónleiki. Mikkjal er tað fyri tað myrka og ráa, tað ið Eivør er fyri tað vakra og reina
Side Effect
Føroyskur industrial rokkur, ið nú tykist at hava funnið sína hyll, við sterkum oddamanni, genialari forritan og tí fullkomna gittaleikaranum, setur Side Effect fjøldirnar í kók.
Skansa Big Band
18 tónleikarar í aldrinum 13-15 ár spæla góðan sving jass men eisini jass rokk - eitt nú løg hjá The Beatles sett út til Big Band, hetta er yngra Big Bandið hjá Tórshavnar Musikkskúla.
Skunk
Eitt slag av útryksfullum og sterkum punki, ið tók øll á bóli í GBOB kappingini. Hetta er ein tann mest lovandi og spennandi ungi bólkurin á føroyska tónleikapallinum.
Spælimenninir
Ein orkumaskina av festligum og trøllakendum spælimanstónleiki, ið kann fáa næstan ein og hvønn í gott lag. Spælimenninir, borga fyri eini framúr uppliving hvørja ferð.
Stanley Samuelsen
Ein sera egin og sera góð songrødd, ið er so sannførandi, tá hon syngur egin løg og tolkingar av vísum, at tú kennir teg noyddan til at trúgva henni.
Stórbandittarnir
Eitt bland av føroyskum jass og funk tónleiki. Stórbandittarnir er eldra Big Bandið sum er knýtt at Tórshavnar Musikkskúla, við aldursspjaðing millum 15-42 ár.
Tarira
Føðið fyri sálina av tí góða slagnum, hetta er inniligt og andaligt, eitt kór við ótrúliga dugnaligum sangarum undir leiðslu av Sunnleifi Rasmussen.
Terji & Føstufressar
Fólkakærur popprokkur, og eitt petti av føroysku fólkasálini. Røddin hjá Terja varð vald aldarinnar rødd, og føstufressarnir eru kremið innan føroyskan tónleik.
The Reverends
Ordiligt kontri av tí ráða og ópoleraða slagnum við tekstum um sjálvmorð, morð, hjúnarskilna, svik og drukk, spælt við rætta anda, og av monnum í kovboyhattum, kovboyslipsum og styvlum
The Story Ends
Progressivur rokkur og ein framførsla, ið talar bæði til eygu og oyru. Løgini eru rættiliga skeiv men tó løtt at fanga.
Tinganest
Ímyndin og upprunin til Vágasoundið, hetta er serføroyskt og serligt, ja, beinleiðis slóðbrótandi føroyskari tónleikasøgu.
Tjant
Norðurlendskur jassur skrivaður av Heðini Ziska Davidsen og Brandi Jacobsen og framførdur av nøkrum av bestu føroysku tónleikarunum.
Tvey av Kamarinum
Nikolina og Eyðbjørn tolka nýggj og gomul løg, við kraft og inniligheit á sín heilt egna hátt. Eitt slag av easy listening jazz feel, og tað klæðir løgunum. Hetta er føroysk fólkasál í meturmáli.
Ung Stjørnuskot
Ungir gávuríkir sangarar í aldrinum 15-20 ár, sum syngja popp, rokk og gospel. Hetta er eldra sangkórið hjá Tórshavnar Musikkskúla og ein sonn stjørnufabrikk.
Unn Patursson
Ein heilt serlig songrødd, ið við stórari sannføring og góðum innliti í tónleikin ferðast onkrastaðni í eini samanrenning millum jass og popp, væl stuðlað av knasandi dugnaligum tónleikarum.
Vágaverk
Samstarv millum teir mest markantu synirnar, ið Vágoyggin nakrantíð hevur fostrað Sámal Ravnsfjall og Jóan Jakku Guttesen. Saman raka teir føroysku fólkasálina mitt á snútan.
Villmenn
Eitt slag av føroyskum kontripunki og altíð ein stórsligin tónleikauppliving. Bólkurin sameinir tvær av størstu rokkhetjunum nakrantíð úr Vágum, Finn Joen Jacobsen og Holgar Jacobsen
