194 spælarar (23 útlendingar teirra millum) vóru við í teimum 45 landskappingardystunum í 1.deild higartil. Í miðal brúkti hvørt liðið 19,4 spælarar.
Hægsta talið áttu ÍF, NSÍ og Sumba - teir brúktu 22 spælarar - og lægsta talið áttu GÍ og KÍ, ið høvdu í alt 17 spælarar á vøllinum.
54 av194 spælarum hava verið við í øllum níggju dystunum hjá teirra feløgum í fyrru hálvu av fótbóltskappingini.
41 av hesum 1. deildarspælarum hava spælt í øllum dystunum frá byrjan, og 19 leikarar hava spælt alla tíðina. Bert ÍF hevur ongan spælara, ið hevur verið við allar 810 minuttir í teimum níggju landskappingardystunum.
KÍ mest støðugu
uppstillingina
Vit kunnu leggja til merkis, at oddaliðið í kappingini, KÍ, hevur mest støðugu liðuppstillingina í 1.deild. Átta klaksvíkingar (Stephen Boyle, Andrzei Pacek, Marek Wierzbicki, Rógvi Jacobsen, Harley Bertholdsen, Arnold Joensen, Jan Joensen og Heðin á Lakjuni) hava verið í øllum dystunum frá byrjan, og tríggir teirra - allir útlendingarnir - hava spælt alla tíðina.
Tveir KÍ-arar afturat - Kurt Mørkore og Jan Andreasen - hava spælt í átta dystunum frá byrjan, men teir mistu ein dyst (tað einasta tapið hjá klaksvíkingum í ár, 1-2 í Gøtu) orsakað av leikbanni.
Um vit hyggja at spælarahagtølunum frá kappingini í fjør, finna vit nógv av teimum somu andlitunum millum álitsmenn í teirra feløgum.
Men tað eru bert tveir málmenninir, Bjarni Johansen og Sunvard Joensen, ið hava spælt uttan nakran steðg síðan kappingin í fjør byrjaði ? ella í 27 landskappingardystunum á rað uttan at vera skiftir út.
Hesir 19 leikararnir hava spælt í allar
810 minuttirnar av fyrru hálvu
Arnbjørn Danielsen B36
Pól Thorsteinsson B36
Fróði Benjaminsen B68
Marlon B68
Magnus Poulsen B68
Bergleif Sólsker B71
Bartal Eliassen GÍ
Sunvard Joensen GÍ
Jóan Petur Olsen GÍ
Jens Erik Rasmussen HB
Stephen Boyle KÍ
Andrzei Pacek KÍ
Marek Wierzbicki KÍ
Dánial Hansen NSÍ
Arnfinn Langgaard NSÍ
Dánjal Johan Joensen Sumba
Páll Magnar Kjærbæk Sumba
Eyðun Jacobsen VB
Bjarni Johansen VB
