Í ES-londunum er stórur meiriluti fyri áseta við lóg, at ungfólk undir 18 ár skulu ikki sleppa at keypa ella at njóta rúsandi løg.
Í einari nýggjari meiningakanning, sum umfatar alt samveldið, siga 89 prosent av teimum spurdu, at tey taka undir við einum felags 18 ára aldursmarki.
Í Bulgaria, Lettlandi, Póllandi, Slovakia og Grikkalandi taka heili 96 prosent undir við 18 ára aldursmarki í øllum samveldinum.
Sum er hava londini ymiskar reglur fyri, nær fólk kunnu keypa og njóta rúsandi løg, men í fleiri londum er aldursmarkið 18 ár, skrivar Reuters.
