Seinasta samdøgur eru 1761 nýggir koronu-tilburðir skrásettir í Noregi. Tað eru 229 tilburðir fleiri enn sama samdøgur fyri einari viku síðan.
Hetta vísa nýggjastu tølini, sum Noreg hevur kunngjørt um midnáttarleitið í kvøld.
Seinastu sjey dagarnar hevur Noreg havt í miðal 1700 smittutilburðir um samdøgrið. Miðaltalið í vikuni fyri var 1396.
Tískil hevur eitt veksandi tal av fólki fingið staðfest koronu seinastu vikuna.
Í dag - mánadagin - lógu 225 fólk á norskum sjúkrahúsum við koronu. Tað eru 35 fleiri enn dagin fyri.
53 sjúklingar liggja á intensivari deild, harav 35 liggja í respiratori. Tað eru fimm færri á intensiv og sjey fleiri í respiratori enn samdøgrið frammanundan.
Fyribils tøl vísa, at síðan í mars 2020 er samlaða talið av deyðum við koronu í Noregi komið upp á 951.
