Seinasta leygardag landaði Tummas T. umleið 900 tons av sild. Teir royndu norðuri á 64 stigum, og miðalstøddin á sildini var 390 gram.
- Sum vanligt í hesum døgum, so máttu teir bíða í nakrar dagar eftir landingartørni. Umleið 600 tons vórðu framleidd á Faroe Pelagic í Kollafirði, og heili 15 tangabilar - ella millum 300 og 400 tons - vórðu koyrd til Vestmanna Seafood.
Vestmanna Seafood hevur ongantíð áður tikið ímóti einari so stórari nøgd frá einum skipi.
Eyðun Olsen, stjóri í Vestmanna Seafood, sigur við heimasíðuna hjá Varðanum í Gøtu, sum eigur Tummas T, at 25 fólk arbeiða á virkinum í Vestmanna í tveimum vaktum, og tilsamans eru 35 fólk knýtt at virkinum.
