Jørgen Niclasen, fyrrverandi landsstýrismaður í fíggjarmálum og nú løgtingslimur fyri Fólkaflokkin, setur Sirið Stenberg, landsstýriskvinnu, ein munnligan fyrispurning um pant av einnýtisíløtum, ið ikki eru latin innaftur.
Jørgen Niclasen sigur, at síðani 2007 eru nógv íløt flutt inn í landið, men yvir ein millión teirra eru ikki latin inn aftur, eftir at tey eru seld í handlunum.
Kundin rindar eina ávísa upphædd í pant, sum hann fær afturgoldið, tá hann pantar ílatið, men hvar fara pengarnir fyri tað milliónina av íløtum, sum ikki vera latin innaftur?
- Um vit siga, at kundin hevur rinda í meðal 2 kr. í pant fyri hvørt ílatið, so eru 2,4 milliónir einnýtisíløt, sum panti ikki eru afturrindað kundanum bara fyri árið 2014, skrivar Jørgen Niclasen og spyr so landsstýriskvinnuna, hvør hevur fingið peningin, sum er goldin fyri pant, men ikki endurrindaður, tí íløtini ikki eru borin aftur?
Spurningarnir hjá Jørgeni Niclasen eru soljóðandi:
• Síðan 2007 eru rættuliga nógv einnýtisíløt ikki eru latin inn aftur. Kann landsstýriskvinnan upplýsa, hvussu nógv íløt ikki eru latin inn aftur hesi árini?
• Kann landsstýriskvinnan upplýsa hvussu nógv pant ikki er endurrinda í hesum tíðarskeiðið, og hvør hevur fingið hendan pening?
