Heimasíðan - www.kyst.no - veit í morgun at siga, at føroyski alirisin Bakkafrost slaktaði 12.900 tons av laksi í triðja ársfjórðingi í ár. Sagt verður, at 3.700 tons komu frá alistøðum norðan fyri - og 9.200 tons frá alistøðum sunnanfyri.
Heimasíðan vísir til dagføringar yvir slakt hjá Bakkafrosti, sum eru almannakunngjørdar í dag. Endaliga frágreiðingin yvir gongdina hjá Bakkafrost í triðja fjórðingsári verður sambært heimasíðuni almannakunngjørd hin 5. november.
Sagt verður, at fóðursølan hjá Havsbrún, sum Bakkafrost eisini eigur, var 33.900 tons í triðja fjórðingsári, og í fjórðingsárinum keypti Havsbrún eisini 17.800 tons av rávøru til sína framleiðslu.