Kvøldflogfarið úr Keypmannahavn fekk ikki sett seg í Vágum í kvøld og vendi tískil aftur til Bergen, har ferðafólk og manning gista i nátt.
Flogfarið er fullsett, so í løtuni er óvist um teir 100 føroyingarnir, sum eru við, lukkast heim til Føroya at greiða atkvøðu til løgtingsvalið í morgin.
Men skiparin, Hans Christian Petersen, hevur tó góðar vónir og ætlar sær at lenda í Vágum um ellivutíðina í morgin fyrrapartin, eru likindi til tess.
Tá flogfarið fleyg yvir til Bergen, varð skipað fyri veljarakanning umborð og úrslitið verður kunngjørt á hotellinum seinni í kvøld.
