Fýra dystir vera leiktir í fyrsta umfarinum í kappingini um Løgmanssteypið í dag.
Leygardagin 22. apríl:
TB – B68 (15:00) Rúni Olsen
ÍF – 07 Vestur (15:00) Rúni Gaardbo
AB – FC Suðuroy (16:00) Rani A. Skaalum
B36 – KÍ (18:00) Eiler Rasmussen
Hesaferð tora veddingarfyritøkurnar ikki í holt við dystin hjá TB. Javnleikurin hjá TB móti HB og sigurin á 07 Vestur við Stórá hevur uttan iva kostað veddingarfyritøkunum nógvan pening, og tað er helst orsøkin til, at eingi odds eru at fáa upp á dystin millum TB og B68 við Stórá í Trongisvági í dag.
Fýra veddingarfyritøkur lata odds upp á dystin millum B36 og KÍ, og tær hava KÍ sum greiðan favoritt.
Oddsini upp á útisigur til KÍ liggja millum 1,40 og 1,46.
Oddsini upp á heimasigur til B36 eru rættiliga høg. Tey liggja millum 5,00 og 5,50.
##med2##
Bara tvær veddingarfyritøkur lata odds upp á dystin millum ÍF og 07 Vestur, og tær hella til ein sigur til 07 Vestur. Tó er ikki talan um eina stóra favorittstøðu til 07 Vestur.
##med3##
Eingin veddingarfyritøka letur odds upp á dystin millum AB og FC Suðuroy. Men har eru tvær deildir á muni millum liðini, og tað ger helst útslagið.
