Eftir eitt ár í næstbestu deildini hevur 07 Vestur í kvøld tryggjað sær atgongumerki at spæla í fremstu røð næsta kappingarár.
Vágamenn hava verið í høvuðsstaðnum, og teir eru á veg til hús aftur við trivaligum 3-0 sigri eftir, at teir í hálvleikinum vóru frammanfyri 2-0.
Jens Erik Rasmussen setti hol á við brotssparki, Jovan Panic økti um leiðsluna til 2-0, og í 2. hálvleiki var tað Johan Eyvind R. Mouritsen, sum skoraði síðsta málið.
Sigurin ber við sær, at 07 Vestur hevur 55 stig, og harvið hava vágamenn tryggjað sær uppflyting.
KÍ, sum undan hesum umfarinum var oddalið, hevur í kvøld tapt 2-1 ímóti TB á Sevmýri, eftir at hálvleiksstøðan var 1-1, og eftir at KÍ skoraði fyrsta málið. Úrslitið ber við sær, at klaksvíkingar mugu bíða í hvussu so er inntil sunnudagin, áðrenn teir kunnu fáa vissu fyri, at teir næsta ár skulu spæla í bestu deildini.
HB-07 Vestur 0-3 (0-2)
0-1: Jens Erik Rasmussen br 25.
0-2: Jovan Panic 31.
0-3: Johan Ejvind R. Mouritsen 90.
TB-KÍ 2-1 (1-1)
0-1: Johan Jacobsen 32.
1-1: Teitur Justinussen 45.
2-1: Teitur Justinussen 60.
FC Hoyvík-B68 2-0 (1-0)
1-0: Jørgin Meitilberg 31.
2-0: Tony Rasmussen 90.+2
Reytt kort: Jóhan Petur Petersen, B68, 78.
AB-Víkingur 1-2 (0-1)
0-1: Leivur Hansen 21.
0-2: Bergur Gregersen 84.
1-2: Dan Petersen 88.
EB/Streymur-NSÍ 3-2 (1-1)
0-1: Viggo Hansen 3.
1-1: Halldórur Joensen 38.
2-1: Arnar Dam 58.
2-2: Andrias á Líknagøtu 62.
3-2: Hallur E. Fláaberg 65.
Støðan
07 Vestur 55
KÍ 52
TB 47
EB/Streymur 42
HB 36
Víkingur 34
FC Hoyvík 29
AB 26
NSÍ 25
B68 6
26. umfar
Sunnudagin 3. oktober
NSÍ-KÍ
FC Hoyvík-TB
B68-07 Vestur
AB-HB
Víkingur-EB/Streymur
27. umfar
Leygardagin 16. oktober
KÍ-B68
HB-FC Hoyvík
EB/Streymur-AB
07 Vestur-Víkingur
TB-NSÍ
