Í morgun skrivar ukrainski forsetin, Volodymyr Zelenskyj, á X, at hann er komin til Keypmannahavnar.
Í Keypmannahavn skal hann í kvøld luttaka á einum toppfundi millum norðurlond og baltisku londini.
- Vit leggja til rættis munandi styrk til Ukraina, skrivar Volodymyr Zelenskyj.
Danskir miðlar skriva um stór løgreglulið kring bústaðin hjá forsætisráðharranum, Mette Frederiksen, har toppfundurin verður.
Mette Frederiksen sigur, at norðurlendsku og baltisku londini eru millum størstu veitarar í stríðnum hjá Ukraina móti russiska álopskrígnum.
- Tí eri eg fegin um, at vit kunnu hittast her á Marienborg saman við Volodymyr Zelenskyj.
Danski forsætisráðharrin leggur aftrat, at her fara londini at vísa Ukraina sín fulla stuðul og leggja uppaftur størri trýst á Russland.
