Í einari samrøðu við týska blaðið, Bild, sigur ukrainski forsetin, Volodymyr Zelenkyj, at nú eigur hann ikki fleiri tár.
Samrøðan við forsetan varð gjørd bert nakrar tímar eftir harðrenda álopið á tokstøðina í ukrainska býnum, Kramatorsk.
Á støðini høvdu eini 4000 fólk, mest kvinnur, børn og eldri, roynt at søkt sær skjól ímóti russisku loftálopunum og rakettunum.
Í samrøðuni verður Volodymyr Zelenkyj eisini spurdur um, hvat hann heldur um grannalandið, sum hin 24. februar leyp á Ukraina.
- Eg kenni hatur ímóti Russlandi og russiskum hermonnum, verður ukrainski forsetin endurgivin fyri at siga í samrøðuni við Bild.
