Vaktleiðarin á løgreglustøðini í Havn visti í morgun at siga, at náttin hevur verið friðarlig.
Lítið og einki av almennum áhuga er komið í samdøgurfrágreiðingina.
Men, beint fyri middag í gjár fekk ein bilførari klipp í koyrikortið fyri eina yvirháling, har yvirháling ikki er loyvd.
- Hendingin fór fram á landsvegnum oman fyri Hvítanes, og tað var ein persónbilur, sum yvirhálaði ein annan bil.
Vaktleiðarin sigur, at bilarnir koyrdu norður eftir, og yvirháling er ikki loyvd á hesum vegastrekki.
- Her er ikki loyvt at yvirhála - hvørki, tá koyrt verður norður eftir ella suðureftir, sigur løgreglan.
