Í fjør vórðu tilsamans 10.066 parkeringsbøtur skrivaðar í Føroyum. Tað vísir ein uppgerð hjá løgregluni. Her er bæði talan um bøtur, parkeringsvørðar geva og bøtur, politiið gevur. Men tær parkeringsbøturnar, løgreglan gevur, er helst minni parturin, tí nógv tær flestu eru bøtur, parkeringsvørarnir í Havn geva.
Talið á Parkeringsbótum hevur annars verið alsamt lækkandi hesi seinastu árini. Men tað er ringt at siga um tað tí at vit eru farin at ansa betri eftir, hvar vit seta bilin, ella um tað er slakað í hjá parkeringsvørum og løgreglu Tá ið talið á parkeringsbótum var hægst, var talan um 13.315 parkeringsbøtur tilsamans og tað var í 2007.
Til samanberingar kann nevnast, at í 2002 vórðu bara 2.789 parkeringsbøtur givnar, Tað talið hækkaði so líðandi til 2007, men síðani er tað javnt og samt minkað aftur. Ein parkeringsbót er 200 krónur, so bara í fjør komu góðar tvær milliónir krónur í kassan fyri parkeringsbøtur. Inntøkurnar fara í kommunukassan, men ikki fyrrenn løn til parkeringsvørar, og aðrar útreiðslur eru drignar frá, so tað er ikki tað stóra, sum leypir av.
Í talvuni niðanfyri sæst, hvussu nógvar parkeringbøtureru skrivaðar um árið, frá 2002 til 2013. 2002: 2.798 2003: 4.637 2004: 7.147 2005: 7.143 2006: 10.531 2007: 13.315 2008: 13.051 2009: 12.891 2010: 12.760 2011: 12.545 2012: 11.183 2013: 10.066 |
