Men hansara egnu fólk í Norðoyggjum vilja ikki hava hann í løgtinginum longur, hóast hann hevur umboðað flokkin á tingi í 23 ár, verið floksformaður, tá flokkurin økti løgtingsumboðanina við 100 prosentum og verið íðin tjóðveldismaður alt sítt lív.
Mikukvøldið tók hann somu miðlar í brúk, sum uppreistrarfólkið í eitt nú Egyptalandi og Libya, sum við Facebook, Twitter og Youtube megnaðu at fella Hosni Mubarak, sum hevur stýrt Egyptalandi næstan líka síðani Heini O. Heinesen stillaði upp fyri fyrstu ferð, og sum nú geva Gadaffi í Libya ein skarpan gang.
Men tað var altso ikki nóg mikið hjá Heina O. Heinesen at koma á listan hjá Norðoyar Tjóðveldisfelag. Spurningurin er so, um toppstýringin kann tryggja honum eitt pláss á listanum.... :-]
