Joe býr saman við tí hyperaktiva bókaútgevaranum, Patricia (Parker Posey), og Kathleen býr saman við tí kensluborna skrivaranum, Frank (Greg Kinnear). Tey eru bæði - eftir øllum at døma - sera væl nøgd við tilveru sína og kærleikslívið?
Til tann dag, tá tey via Internetið av tilvild hittast í einum chat-rúmi og fara at samskifta viða teldupost. So lagaliga krógvað aftan fyri kotunøvnini NY152 og Shopgirl fara Joe og Kathleen undir eitt skrivtligt, men ógvuliga loyniligt forhold, har tey ærliga opna seg fyri hvørjum øðrum um stórt og smátt í lívinum - t. v. s. alt, uttan teirra veruliga samleika.
Skjótt mennist tað loyniliga til eitt slag av kærleika á netinum, men samstundis letur Joe upp - í veruligu verðini - tað síðsta og størsta handilin í landsumfatandi ketuni av Bókahandli Fox. Tíverrri letur hann upp beint við har, sum tann lítli, hugnaligi, lokali barnabókahandilin, og við sínum stóra úrvali, stóra avslátri og espressobar tykist tað meira enn sannlíkt, at tann nýupplatni handilin fer at koyra handilin hjá Kathleen av knóranum
