Women Up North er eitt samstarv millum norðurlenskar kvinnuligar artistar, og er endamálið at styrkja sambandið teirra millum og at skipa fyri fleiri tónleikaferðum saman í norðurlondum.
Fyrsta konsertin verður í Losjuni í Gøtu, mikudagin 29. oktober kl. 20. Næsta konsert verður í Reinsarínum 30. oktober kl. 20 og leggjast kann afturat, at 30. oktober er “Spil dansk dag” og verður nógv gjørt burtur úr hesum degi í Danmark, men hava Annika Aakjær og duettin Strawberry Blonde valt at koma til Føroyar at spæla.
Síðan verður síðsta konsertin á Seglloftinum á Tvøroyri fríggjadagin 31. oktober, kl. 21. Her verður tó Annika Aakjær ikki við, av tí at hon í løtuni er á tónleikaferð í Danmark.
Atgongumerkir kunnu keypast við dyrnar.
Lesið meira um Women Up North á www.myspace.com/womenupnorth
