Søla
Um dagarnar er søla av teimum vælumtóktu, Wisemag-leikum, í gongugøtuni í Havn, og sølan heldur fram til 23. dsesember.
Hans Petur Nolsøe, sum umboðar hesar leikur í Føroyum, sigur, at 10% av bruttosøluni í gongugøtuni fer til Blákross Kaféina.
Nýggj fyritøka
Hann vísir á, at tað var fyrst í hesum árinum, at teir fóru at marknaðarføra hesar leikur í Føroyum. Leikurnar verða keyptar beinleiðis frá kinverska framleiðaranum.
- Hugskotið aftanfyri Wisemag er at fremja vitanarvøkstur hjá børnum í øllum aldri. Vit halda, at ov fáar leikur eru á marknaðinum, sum stimbra vitan og hugflog hjá børnum.
Hann sigur, at við tað, at Wisemag í
Føroyum keypir leikurnar beinleiðis frá framleiðaranum, eru tær kappingarførar í prísi og í dygd skara tær fram úr í mun til aðrar leikur av slíkum og líknandi slagi.
- Við hesum kanst tú royna teg sum byggifrøðing. Tú kanst byggja borgir, hús og brýr og tú kanst saktans eisini gera eina roynd at byggja Eifiltornið.
Hans Petur Nolsøe sigur, at leikurnar, sum Wisemag framleiðir, eru serstakliga væl egnaðar til børn við innlæringartrupulleikum, tí leikurnar stimbra barnsins evnir á ein einfaldan og stuttligan hátt.
Men leikurnar kunnu saktans eisini geva teimum eldru og gomlu nakað, og soleiðis hevur Wisemag í Føroyum selt fitt av leikum til eitt nú eldrasambýli og ellisheim.
- Wisemag er væl egnað til at venja hendur og liðir hjá fólki, sum hava gikt, og tí eru hesar leikur vælegnaðar hjá teimum eldru og gomlu at sita og stytta sær stundir við.
Hann vísir á, at leikurnar eisini kunnu
nýtast til at menna evnini hjá børnum sum eru autistisk ella hyperaktiv.
- Tær eru eitt gott amboð til at styrkja
motorikkin hjá børnum, sum skulu í skúla, tí tær venja fatanarevnini soleiðis, at børnini gerast før fyri at læra skjótari.
Hans Petur Nolsøe sigur, at Wisemag, sum er ætlað fólki í øllum aldri ja úr 5 árum upp í 99 ár, setir strong krøv til dygdina.
- Nú vit selja hesar leikur í gongugøtuni í Havn, hava vit avgjørt at lata 10% av bruttosøluni til Blákross Kaféina. Vit halda, at kaféin hjálpir teimum veikaru í samfelagnum, og vit halda avgjørt, at hetta arbeiði er vert at stuðla, sigur Hans Petur Nolsøe, sum stendur aftanfyri Wisemag í Føroyum.
Meira fæst at vita á heimasíðuni www.wisemag.fo
