Tað er nú klárt til lutakastið til fjórðingsfinalurnar í Europa League, eftir at tær sjey seinnu 1/8 finalurnar blivu spældar í gjár. RB Leipzig er víðari uttan dyst, tí russiska Spartak Moskva er útihýst.
Reyða Stjørna (0)–(3) Rangers 2-1 (2-4 samanlagt)
Rangers kom undir trýst frá dystarbyrjan, tí Reyða Stjørna skoraði longu aftaná tíggju minuttir, men við máli frá Ryan Kent miðskeiðis seinna hálvleiki fekk Rangers tamarhald á uppgerðini og er víðari.
Monako (0)–(2) Braga 1-1 (1-3 samanlagt)
Tað hevur annars gingið rímiliga væl hjá fronskum feløgum í Evropa í ár, men nú eru feløg sum PSG, Lille og eisini Monako útsligin. Monako kláraði ikki at venda einum 2-0 tapi móti Braga.
Leverkusen (2)–(3) Atalanta 0-1 (2-4 samanlagt)
Atalanta hevur nú skorað í 12 útidystum í Evropa upp í slag. Hesa ferð kom málið ikki fyrr enn í yvirtíðini, tá Jeremie Boga tók broddin av trýstinum frá Leverkusen. Atalanta er millum feløgini, sum ikki hava vunnið í Evropa fyrr, men er millum favorittarnar í ár.
Galatasaray (0)–(0) FC Barcelona 1-2 (1-2 samanlgt)
Heimaliðið kom á odda og eina løtu lúrdi sensatiónin, men við Lionel Messi líknandi máli javnaði fyrst Pedri, áðrenn Pierre-Emerick Aubameyang vendi uppgerðini við sínum sjeyda máli í sjey dystum fyri FC Barcelona.
Lyon (1)–(0) FC Porto 1-1 (2-1 samanlagt)
Franska liðið er víðari, eftir at hava vunnið fyrra dystin 1-0, og kom á odda tíðliga í seinna dystinum við máli sum Moussa Dembele skoraði. Royndi Pepe javnaði í dystinum, men tað var ikki nokk til at venda uppgerðini.
West Ham (0)–(1) Sevilla 2-0 eftir longda leiktíð (2-1 samanlagt)
Stóra søgan í 1/8 finalunum er West Ham, sum vann samanlagt á søguliga fleirfaldu Europa League vinnarunum úr Sevilla. Tomas Soucek javnaði og sendi dystin í umdyst. Her fall tað ukrainska Andriy Yarmolenko at senda ein retur í málið, sum sendir West Ham víðari.
Eintracht Frankfurt (2)–(1) Real Betis 1-1 eftir longda leiktíð (3-2 samanlagt)
Týska heimaliðið hevði fyrimunin undan seinnu uppgerðini, men beint fyri tíð javnaði Borja Iglesias við at leggja Real Betis á odda. Í longdu leiktíðini var Guido Rodriguez óheppin gjørdi sjálvmál.
RB Leipzig – Spartak Moskva (Avlýstur)
UEFA hevur bannað øllum feløgum úr Russlandi í evropiskum fótbólti. Tí er týska RB Leipzig víðari til fjórðingsfinaluna.
