Vit tora betri nú

Juli hálvrunnin, og tá vit løgdu leiðina inn gjøgnum bakdyrnar í Sjónleikar­ húsinum í Havn, sita fólkini, ið gera og spæla ársins ólavsøkukabarett, í friði og slappa av.

Fyrireikingarnar ganga væl. So mikið væl, at 28 smáleikir eru skrivaðir, og eftir er bert at fínpussa, seta á pall og kanska sálda frá. Og tískil gera leikarar hesa løtuna seg til reiðar at fara á G!, tí tað kunnu tey saktans loyva sær, men tá mánadagur aftur er, gerst Sjónleikar­ húsið aftur teirra næsta heim.

Tora

– Tað hevur gingið væl, og vit eru komin væl á leið. Evnini, ið vit taka upp eru t.d. politikkur og mentan, og slíkt, sum vit halda vert er at kjakast um, siga kabarettfólkini.

– Kenslulig evni verða eisini tikin upp. Vit tora betri nú, og talan er um roynd fólk og eitt væl virkandi toymi, siga kabarettfólkini.

Katrin Joensen-Næs er leikstjóri og leikari, og hon sigur, at í stóran mun er talan um klassiska uppseting.

Tónleikarar eru, eins og í fjør, Kristian Pauli Ellefsen og Vinjar

Egilsnes Petersen, og tað fegnast leikararnir um.

– Teir eru partur av toyminum, við í skapandi tilgongdini, og samstarvið riggar stak væl.

Tey somu

Talan er stórt sæð um sama hóp, sum tók sær av kabarettini í fjør. Tá var Katrin Joensen­Næs eisini leikstjóri.

– Hetta er ein hópur, ið riggar, eru leikararnir samdir um.

Ólavsøkukabarettin 2022 hevur frumsýning tann 27. Juli.

Leikarar eru:

Katrin Joensen-Næs,leikari og leikstjóri

Bjørk Búadóttir Tórgarð

Edvin Niclasen

Elias Magnussen

Johanna Roos Slættanes

Tónleikarar:

Kristian Pauli Ellefsen Vinjar Egilsnes Petersen

Ljós:

Turpin Dhurhuus