"Eg eri stak væl nøgd og haldi, at vit hava fingið nógv fyri pengarnar", sigur Kitty May Ellefsen, nevndarforkvinna í P/F Vága Floghavn.
“Hetta verður eitt ómetaliga spennandi arbeiðspláss,” sigur hon. Posta, Politiið og Vága Kunningarstova flyta øll úr Miðvági og niðan á flogvøllin, eins og TAKS, Atlantsflog, 62° Norður og Avis hava skrivstovur á nýggju farstøðini. Harumframt eru tollfría sølan, matarstøðini og so alt tað, ið er tengt at sjálvari flogferðsluni, so alt í alt vera sera nógv arbeiðspláss á flogvøllinum.
“Umstøðurnar eru nú av tí besta og vit síggja ljóst upp á framtíðina hjá Vága floghavn,” sigur Kitty May Ellefsen.
