Eg haldi avgjørt, at vit eru á rættari leið.
Tað sigur Jenis av Rana, landsstýrismaður í uttanríkismálum, nú hann hevur verið á fundi við danska starvsfelagin, Jeppe Kofod.
Hann sigur, at teir báðir hava tosað rættiliga væl og opið saman, og at danir eru sinnaðir at geva okkum ein størri leiklut á uttanríkispolitiska økinum.
Men avbjóðingin er so at seta út í kortið, hvussu farast skal fram. Ein partur av hesum er at tað verður neyðugt at gera eitt trygdarrúm í Tinganesi.
Men Jenis av Rana leggur dent á, at talan er ikki um eitt rúm til politikarar at krógva seg í, tá ið á stendur.
Trýst á pílina undir myndini og hoyr Jenis av Rana greiða frá - eisini hvat trygdarrúmið í Tinganesi skal brukast til.
