Í næstu viku fara nógv fólk at uppliva, at tey hava meira pengar enn vanligt um hendur.
Nú mánaðarskifti er fyri framman, fáa nógv fólk sína mánaðarløn, og mikudagin 2. mai verða slakar 300 milliónir krónur sprændar út í samfelagið sum feriuløn.
Taks upplýsur, at 26.839 fólk fáa í ár frítíðarløn, og samanlagt verða 299 milliónir krónur goldnar í frítíðarløn hesaferð. Pengarnir verða á konto hjá fólki mikudagin 2. mai.
Longu hesa vikuna fáa fólk í brævi frá Taks at vita, hvussu nógv tey fáa í feriuløn í ár.
