Eydnudeild Føroya er eitt hondbóltsfelag fyri børn, sum ikki megna at venja úti í vanligu feløgunum, og tað er systirdeild hjá donsku Lykkeliga.
Í Danmark, Føroyum og Grønlandi eru 45 lið og umleið 600 spælarar, sum hvørja viku venja hondbólt, og nógv av teimum hittust í gjár í Gigantium í Aalborg til stóra kapping.
Myndin oman fyri er tikin til hátíðarløtuna til síðst, har øll fingu handað gull-heiðursmerki og eitt úttøkubræv til heimsins størsta landslið.
- Vit eru full av góðum upplivilsum, nógvum klemmum og high-fives. Nú fara vit í summarferiu, men vit gleða okkum at byrja aftur seinast í august. Vit vóna sjálvandi, at nýggj børn koma við.
TV2nord var til Lykkecup og gjørdi upptøkur - í byrjanini av brotinum sæst føroyska liðið koma á vøllin, og seinni síggjast fleiri føroyingar á gólvinum eisini.
<iframe src="https://cdnapisec.kaltura.com/p/1956931/sp/195693100/embedIframeJs/uiconf_id/32080471/partner_id/1956931?iframeembed=true&playerId=kaltura_player&entry_id=0_el46ji1t&flashvars[streamerType]=auto" width="640" height="360" allowfullscreen webkitallowfullscreen mozallowfullscreen frameborder="0"></iframe>
