-Eyðun Elttør sigur, at vit skulu trúgva uppá ætlanina, men tað er týdningarmikið, at man ikki trýr soleiðis, at man sær hvørvisjónir - fatamorgana. Tað má ikki vera soleiðis í oljuvinnuni, at man trýr so nógv, at man trýr so staðiliga, hvat øll tey størstu oljufeløgini siga, og so ger eina lóg eftir tí. Man trýr uppá henda serskattin uppá 55%, samtíðis sum vit hoyra úttalilsi frá serfrøðingum uttanífrá,sum vísa á, hvussu væl oljufeløgini í praksis duga at snúgva sær undan skatti. Edmund Joensen vísti á, at vit við royalty fáa 2%, meðan hini 98% fara aðrar vegir. Hann helt tí, at tað, sum kann tryggja, at hetta hendir, er at vit fáa við eitt borið oljufelag og høvdu tað við í treytunum til øll feløgini. Tá olja varð funnin og um hon varð funnin, kundi verið avgjørt, hvar føroyingar ætlaðu at vera við. Soleiðis kunnu vit geva tí føroyska oljufelagnum lut í oljuvinnuni og oljuni, um hon er - og tí føroyska fólkinum lut í arbeiðinum segði Edmund Joensen, sum í undanfarna landsstýrið umsat oljumál. Tað var eisini Edmund Joensen, sum setti nevnd at gera tilmæli um eitt alment oljufelag.
