Flogbóltur
Virgar Djurhuus, sum er ein av teimum sum hevur tær bestu royndirnar innan venjing av ungum flogbóltsleikarum, og í fleiri ár eisini hevur verið venjari hjá kvinnuunglingalandsliðnum, sigur eftir kappingina NS-Cup í Klaksvík um vikuskiftið, at nú er kappingin vorðin so stór og umfatandi, at onkur broyting má gerast í framtíðini. Tekin eru eisini um, at hesin vøkstur heldur áfram, tí tað er serliga innan teir yngru aldursbólkarnar, at økingin er.
Á aðalfund
Virgar Djruhuus vil tí mæla til, at málið verður tikið upp á aðalfundinum hjá Flogbóltssambandinum í apríl, soleiðis at feløgini saman við FBF kunnu finna fram til eina skipan, soleiðis at kappingin í framtíðini ikki verður eins umfatandi.
Hann vil tí mæla til, at ein møguliga skipar steypakappingarnar yvir 2 vikuskifti, men við tað at tað kann vera trupult at fáa hallir, kann hetta eisini verða ein trupulleiki.
Betri leikarar
- Famgongdin hjá leikarunum hevur eisini verið stór. Fyri bert fáum árum síðani sást tú ikki, at tey 9-12 ára gomlu royndu at leika bóltin ímillum sín, men tey royndu bert at koyra hann yvir um netið aftur, men í dag er tað soleiðis, at tey í flestu dystunum royna at leika ?tríggjar bóltar?. Hetta er ein fragd at síggja, sigur Virgar Djurhuus.
