Vinnandi VÍF-kvinnur

Eftir at hava ligið og rótað í botninum saman við VB alt kappingarárið, hava VÍF-kvinnurnar tikið seg nógv fram í síðstuni. Umframt at vera í steypafinaluni, eru tær nú eisini leysar av botninum

Hilmar Jan Hansen

11.01.2010 (13:04)

<style type="text/css">  </style>  <o:p></o:p> <p class="MsoNormal">Ferð eftir ferð hava hondbóltskvinnurnar í Vestmanna víst góðar taktir í síðstuni, og dysturin á Skála í gjár var einki undantak. StÍF, sum annars alt árið hevur ligið trygt í miðjuni, fekk ongantíð fatur á VÍF, men darlaði aftanfyri alla tíðina – onkra løtuna enntá langt aftanfyri.</p> <p class="MsoNormal">Mestsum allan fyrra hálvleik var VÍF tvey og trý mál frammanfyri, og eitt skifti í seinna hálvleiki líktist tað stórsigri, tí ta einu løtuna vóru heili átta mál á muni. Men samstundis sum VÍF tók sær meira av løttum ímóti endanum, ernaðust StÍF-kvinnurnar og gjørdu eitt hál, ið minkaði ósigurin niður í fýra mál.</p> <p class="MsoNormal">Størsti munurin á liðunum var verjuspælið, tí meðan kvinnurnar úr Vestmanna vóru neyvar og nærlagdar, so fyrst og skjúttarnir hjá StÍF ikki skuldu sleppa ov nógv framat, var verjan hjá StÍF fyri tað nógva sum ein opnhjallir, ið alt slapp ígjøgnum.</p> <p class="MsoNormal">Einasti spælarin hjá StÍF, sum VÍF ongantíð ordiliga fekk fatur á, var Fríðrún Danielsen á høgra vongi, men annars eydnaðist fyri tað nógva at taka broddin av álopsroyndunum hjá StÍF. Rebekka fekk gamaní skotið gott og væl helvtina av málunum hjá StÍF í seinna hálvleiki, men einsamøll hótti hon ikki nóg nógv.</p> <p class="MsoNormal"><o:p> </o:p> <p class="MsoNormal">Varieraðu væl<o:p></o:p> <p class="MsoNormal">Hinvegin hevði VÍF góða breidd og dygd í sínum álopsspæli, ið var nógv meira varierað og gjøgnumhugsað. Mál komu úr øllum ættum, og sjálvsálitið lýsti av gulklæddu kvinnunum, ið Adina Chiricescu í StÍF-málinum ikki hevði lært at lisið av fyrr enn ímóti endanum, tá hon forðaði fyri tí heilt stóra skrædlinum við tveimum ella trimum góðum bjargingum, tá VÍF-kvinnur komu einsamallar ímóti málinum.</p> <p class="MsoNormal">Sum heild undirstrikaði sigurin hjá VÍF, at kvinnurnar í Vestmanna veruliga hava fingið luft undir veingirnar í síðstuni. Fyrst vunnu tær seg í steypafinaluna og síðani hava tær nú vunnið tvær tær síðstu ferðirnar, so tær eru komnar upp á seks stig – tvey stig aftan fyri StÍF og fýra stig framman fyri VB.</p> <p class="MsoNormal">Komandi dysturin verður sera avgerandi fyri, hvussu árið fer at hilnast hjá VÍF, tí um tvær vikur skal VÍF til Vágs at spæla ímóti VB. Hetta kann tó gerast tungt hoyggj at draga, tí hesin dysturin er ikki minni avgerandi fyri VB…</p> <p class="MsoNormal">Forrestin, so er tað sjáldsamt at síggja tvey so skikkilig lið á vøllinum sum í gjár, tí tað gjørdist ongantíð neyðugt hjá dómarunum at hava fingrarnar á lofti og vísa nøkrum spælara út!<i><o:p></o:p>

Vinnandi VÍF-kvinnur

Mest lisið

Arbeiðsóhapp við Norðskála

Myndir: Plantusølan á Gróðurstøðini

Sissal fær ikki atkvøður frá Noreg, Svøríki og Íslandi hóskvøldið

Skotnir á áarbakkanum og blakaðir í Donau

Kvinna fekk bót fyri bróta almenna friðin

Skála vann tepran sigur í Leirvík

Vágamenn vunnu ársins fyrsta sigur

Vágur: Cruiseárið byrjar sunnudagin

Liðið hjá Jóan Símun var sent úr steypakappingini

Landsstýrismaðurin vitjað ávegishúsið hjá Bláa Krossi