Vinnan spurd fyrst um CO2 skerjingar

Landsstýriskvinnan í umhvørvismálum vil fyrst tryggja sær eitt realistisk uppskot um CO2 skerjingar frá vinnulívinum, áðrenn politiski arbeiðsbólkurin kemur við í arbeiðið. Bjørt Samuelsen, tingkvinna, undrar seg stórliga yvir arbeiðsháttin hjá landsstýriskvinnuni

Anna V. Ellingsgaard

28.08.2009 (14:34)

<style type="text/css">  </style>   <o:p></o:p> Hóast ein politiskur fylgibólkur bleiv settur longu tíðliga í ár at gera tilmæli um CO2 skerjingar, skal bólkurin ikki vænta at sleppa upp í leikin, fyrr enn aktørar frá vinnulívinum hava sett treytirnar.<o:p></o:p> Síðani politiski bólkurin bleiv settur, hevur landsstýriskvinnan í umhvørvismálum, Annika Olsen, saman við Landsstýrinum nevniliga sett sín egna arbeiðsbólk við umboðum frá vinnulívinum at gera eitt "realistiskt" uppskot til CO2 skerjingar, sum landsstýriskvinnan málber seg.<o:p></o:p> - Handan bókin kenni eg onki til, sigur ein undrandi Bjørt Samulesen, limur í politiska fylgibólkinum. <o:p></o:p> <o:p> </o:p> Løgin arbeiðsháttur<o:p></o:p> Bjørt Samuelsen heldur tað vera serstakliga løgi, at politiski fylgibólkurin ikki er kunnaður um, hvør hevur sitið og arbeitt við hesum málinum seinnu mánaðirnar. Politiski fylgibólkurin hevur nevniliga ongantíð verður kallaður á fund við Landsstýrið, síðani bólkurin varð settur í mars mánaða.<o:p></o:p> Sambært Anniku Olsen er orsøkin, at onki ítøkiligt hevur verið at kalla bólkin inn til fundar um. Ikki fyrr enn komandi týsdag, tá ið umboð fyri Reiðarafelagið, SEV, Fiskimálaráði, Innlendismálaráðið, Jarðfeingi og Fíggjarmálaráðið handa landsstýriskvinnuni eitt CO2 tilmæli.<o:p></o:p> - Tað er fínt, at vinnulívið er við í hesum arbeiðinum, men tað skal sjálvandi ikki vera vinnulívið, heldur enn politiskar visjónir, sum stingur umhvørvispolitikkin komandi árini út í kortið, sigur Bjørt Samulesen, sum enn onga kunning hevur fingið um, hvussu hetta arbeiði verður skipað beint nú.<o:p></o:p> - Tað kann í øllum førum ikki vera meiningin, at vit sum politiskur aktørur bara koma inn fyri at blástempla eitt uppskot frá vinnulívinum, sigur Bjørt Samulesen.<o:p></o:p> <o:p> </o:p> Tryggjar realistiskt uppskot<o:p></o:p> Hóast Bjørt Samuelsen fegnast um, at okkurt hendir í hesum málinum, er hon vónbrotin av, at politiski bólkurin ikki hevur verið við í arbeiðinum higartil.<o:p></o:p> - Serliga tí, bæði løgmaður og landsstýrskvinnan frá byrjan hava lagt áherðslu á, hvussu stóran týdning tað hevur, at endaliga CO2 tilmæli hevur eitt sterkt politiskt kjølfesti. Hetta er jú grundarsetinurin undir einum umhvørvispolitikki, sum skal røkka mong ár inn í framtíðina, og tí er tað heilt avgerandi, at tað hevur breiða politiska undirtøku, sigur Bjørt Samuelsen.<o:p></o:p> Hesum er landsstýriskvinnan í umhvørvismálum púra samd í.<o:p></o:p> - Tí havi eg eisini gjørt alt fyri at tryggja mær, at uppskotið, vit koma við, verður realistiskt og haldbært. Til tað krevst eitt neyvt grundarlag at arbeiða út frá, og tað er hetta grundarlagið, arbeiðsbólkurin hevur greinað út og nú kann leggja fram til politiska viðgerð, sigur landsstýriskvinnan í umhvørvismálum.<o:p></o:p> Bjørt Samulelsen undrar seg tó framvegsis yvir vantandi kunningina frá landsstýriskvinnuni, og yvir, at politiski fylgibólkurin, hon hevur sett, als onga ávirkan hevur haft á setanina av einum heilt triðja arbeiðsbólki við umboðum frá vinnulívinum.<o:p></o:p> Hartil undrar tað Bjørt Samuelsen, at bólkurin heldur ikki er kunnaður um møguligar samráðingar við danir i sambandi við føroyska CO2 tilmælið, nú bert smáir tríggir mánaðir eru til stóru Veðurlagsráðstevnuna í Keypmannahavn.<o:p></o:p> <o:p> </o:p> <o:p></o:p>

Vinnan spurd fyrst um CO2 skerjingar

Mest lisið

Myndir: Kongavitjanin í Suðuroynni endaði við føroyskum dansi

Útlendsk ferðafólk funnin deyð á hotelli í Reykjavík

Myndir: Kongsvitjan á Eiði

Dráp í Reykjavík: Fronsk kvinna dripið mann og dóttur

Brúðarvígsla á kommunuskrivstovuni á Toftum í dag

Undirsóvartunnil í Kalsoynna

Iran: - Vit ynskja ikki eina víðkan av krígnum

Ísraelski herurin við skundboðum til iranar

U17 kvinnurnar taptu við seks málum

Betrideildin: NSÍ hevur favorittstøðuna móti B36