Vindurin hóttir fótbóltin

Tað er rættiligt heystarveður, og veðurforsøgnin sigur, at tað seinnapartin eisini verður vindur.

Veðurforsøgnin sigur, at ættin verður útsynningur, og at vindferðin verður 10 metrar um sekundið og í hvirlunum upp í 17 – 18 metrar um sekundið. Eitt nú í Gøtu er tað rættiliga ábært.

Tveir dystir í 24. umfari vóru í gjárkvøldið. 07 Vestur vann 2-1 á heimavølli ímóti AB, sum nú er tætt við at flyta niður, og tað endaði 3-3 í Gundadali, har HB hevði vitjan av B68.

Í dag eru tríggir dystir. EB/Streymur er í Trongisvági, har TB seinnapartin fer at spæla fyri lívinum.

ÍF er á veg til Klaksvíkar. Meðan fuglfirðingar hava lívið í bestu deildini at spæla fyri, so er spurningurin hjá klaksvíkingum og norðoyingum, um tað verður í dag, at teir fara at tryggja sær FM heitið. KÍ hevur 20 ferðir áður vunnið meistaraheitið.

Í Sarpugerði í Gøtu fær Víkingur vitjan av B36. Hjá Víkingi er dagsskráin at styrkja um støðuna á bronsuplássinum, og hjá B36 snýr tað seg um at verja silvurplássið og at halda tørn um lítla møguleikan at vinna FM. Um KÍ í Klaksvík fer at vinna størri úrtøku, enn B36 vinnur í Gøtu, so verður KÍ FM vinnari.

KÍ – ÍF: Alex Troleis kl. 15.00

Víkingur – B36: Dagfinn Forná kl. 15.00

TB – EB/Streymur:  Kári J. á Høvdanum kl. 15.00