Alsamt størri partur av elorkuni hjá SEV kemur nú úr vatni og vindi. Tað ger SEV greitt í tíðindabrævi í dag.
Fyrra hálvár 2015 stavaðu ikki færri enn 65,2 prosent av elorkuni frá vatni og vindi, sum er 15 prosentstig meira enn sama tíðarskeið í fjør, hóast at elframleiðslan øktist fimm prosent í sama tíðarskeiði.
Oljunýtslan hjá SEV minkaði 4.100 tons í tíðarskeiðnum januar til juni 2015, samanborið við sama tíðarskeið 2014. Elframleiðslan úr olju minkaði 26,6 prosent fyrra hálvár 2015, sammett við sama tíðarskeið í fjør.
Finn Jakobsen, deildarstjóri fyri elnetinum á SEV, sigur tað serliga vera vindmyllurnar, sum muna. Trýst á pílin undir myndini, fyri at hoyra samrøðuna við Finn Jakobsen.
