Seinastu dagarnar hevur verið grátt í Havn, og í fjøllunum hevur verið nógvur mjørki.
Tað kann vera vandamikið at fara í hagan, tá ið mjørki legst á.
Tað kundi ein amerikanari sanna í gjárkvøldið.
Klokkan hálvgum ellivu ringdi hann til politiið og boðaði frá, at hann var vilstur í haganum. Mjørki var knappliga komin á hann.
Hann segði, at hann hevði sett bilin við Oyggarvegin nakað norðan fyri Hotel Føroyar.
Politiið bað mannin ikki fara víðari.
Ein tíma eftir fráboðanina kom politiið fram á bilin.
Farið varð so at leita við tveimum hundum, og beint fyri midnátt komu teir fram á mannin, sum hevði gingið eystur eftir úr Lambafelli.
Maðurin var kaldur, men hann hevði tað annars gott.
