Heimasíðan hjá Velje BK hevur uppdaterað yvirlitið yvir dystirnar, sum útlendskir spælarar hava spælt fyri besta liðið hjá Vejle. Teir staðfesta, at føroyski landsliðsspælarin, Viljormur í Heiðunum Davidsen er á Topp 10 listanum yvir teir útlendingarnir, sum hava spælt flest dystir fyri Vejle BK.
Onglendingurin Julian Barnett er greitt á odda við 181 dystum. Viljormur er á einum deildum 9. plássi við 58 dystum. Spælir Viljormur 13 dystir fyri Vejle, tá kappingin í næstbestu donsku fótbóltsdeildini verður tikin upp aftur komandi vár, so gerst Viljormur nummar sjey á listanum. Christian Høgni Jacobsen er nummar 12 á listanum við 51 dystum, og Jóan Símun Edmundsson er nummar 22 á listanum við 26 dystum fyri besta liðið hjá Vejle BK.
Topp 22 listin yvir teir útlendingarnir, sum hava spælt flest dystir fyri besta liðið hjá Vejle BK sær soleiðis út :
1. Julian Barnett (Ongland) 181 dystir
2. Kent Scholz (Týskland) 140 dystir
2. Jonatan Neftali (Spanoa) 140 dystir
4. Adeshina Lawal (Nigeria) 127 dystir
5. Azer Busuladzic (Bosnia) 121 dystir
6. Valentino Lai (Svøríki) 95 dystir
7. Eduardo Delani (Brasil) 70 dystir
8. Godwin Antwi (Gana) 63 dystir
9. Dejvi Glavevski (Makedonia) 58 dystir
9. Viljormur Davidsen (Føroyar) 58 dystir
11. Dario Mijatovic (Kroatia) 54 dystir
12. Christian Høgni Jacobsen (Føroyar) 51 dystir
12. João Pereira (Portugal) 51 dystir
14. Pablo Piñones-Arce (Svøríki) 46 dystir
15. Issey Nakajima-Farran (Kanada) 45 dystir
16. Jesper Ljung (Svøríki) 42 dystir
17. Justice John Erhenede (Nigeria) 39 dystir
18. Mikael Rynell (Svøríki) 37 dystir
19. Denis Fazlagic (Bosnia) 34 dystir
20. Kaimar Saag (Estland) 29 dystir
21. Eduard Demenkovets (Hvítarussland) 28 dystir
22. Jóan Símun Edmundsson (Føroyar) 26 dystir
