Loysing
Fyri stuttum sendu nakrir suðuroyingar bæði Anfinni Kallsberg, Løgmanni, og Høgna Hoydal, Varaløgmanni, ein forvitnisligan fyrispurning.
Teir vildu hava at vita frá hesum báðum fremstu politikarum okkara, um ein fólkaatkvøðu í Suðuroynni hevði verðið vird, um ein meiriluti atkvøddi fyri, at Suðuroyggin skuldi taka loysing frá restini av Føroyum.
Enn hava suðuroyngarnir ikki fingið svar.
Men svar vilja teir hava og tí spyrja teir nú einaferð afturat.
Teir vísa á, at í Sosialinum hevur varaløgmaður lovað at svara, men kortini hendi onki.
? Og tá ið vit nú hoyra í fjølmiðlunum, at Føroya Landsstýrið heldur ikki er sinnað at útvega suðuroyingum tað skip, sum ein samdur arbeiðsbólkur var samdur um, var tað rætta til endamálið, so er tað í dag enn meiri neyðugt enn nakrantíð at fáa spurningin svaraðan, siga suðuroyingarnir.
Teir siga at enda, at tá ið teir settu fyrispurningin alment fram í bløðunum, vilja reir eisini, at svarað verður í bløðunum
Tey, sum hava skrivað undir hesa nýggju áheitanina á Løgmann og Varaløgmann, eru seks lærarar á Tvøroyri, teir eru: Alvi Mortensen, Finn Thomsen, Súsanna Bertholdsen, Jónsvein Hovgaard, Sofus Strøm og Jens Johannesen.
Áheitanin frá teimum seks suðuroyingunum er annars prentað aðrastaðni í blaðnum.
