Fótbóltur
Dómaramistøk. Atburður hjá áskoðarum, venjarum og spælarum. Og sjálvandi eisini skrivaraborðsavgerðir.
Hetta hevur verið dagsskráin, nú nærum ein triðingur av ársins Formula-kapping er løgd aftur um bak. Og hetta er ein støða, sum FSF ikki uttan víðari vil lata standa við.
Í eini roynd at fáa meira jaligar vinklar inn á umrøðuna og fólkatosið annars um fótbóltin, hevur FSF tí sent dómarum, venjarum og umboðum fyri feløgini stevnu, har yvirskriftin eitur »Felags stev«.
Á fundinum verða ymisk viðurskifti viðgjørd - vónandi í positivum dialogi - og endamálið er so at finna eitt stev, har øll á sín hátt kunnu hjálpa til, soleiðis at fokusið í spælinum - og ikki minst hjá miðlunum - tey komandi 19 umførini verður vent móti sjálvum spælinum við bóltinum. Og ikki øllum møguligum øðrum faktorum, sum viðhvørt hava hug at tykjast avgerandi.
