13 tingmenn hjá samgonguflokkunum vilja hava eina nevnd at kanna, hvørjir almennir stovnar kunnu flytast út um landið. Teir 13 samgongulimirnir hava skrivað løgmanni bræv, har teir biðja hann seta ein skjóttarbeiðandi bólk, sum skal kanna, hvørjir almennir stovnar kunnu flytast út um landið.
Teir 13 tinglimirnir meta, at bólkurin kann koma við sínari fyrstu meting um tríggjar mánaðir.
Teir 13, sum hava skrivað undir brævið til løgmann, eru Jógvan við Keldu, Jóhan Dahl, Henrik Old, Heðin Zachariassen, Alfred Olsen, Kjartan Joensen, Jørgen Niclasen, Marius Dam, Gerhard Lognberg, Vilhelm Johannesen, Sverri Midjord, Andreas Petersen og Annfinn Kallsberg.
