Øll vita, at tað kann vera ein marra at sleppa sær av við bilin í miðbýnum í Havn. Parkeringstrupulleikarnir í høvuðsstaðnum eru javnar uppi at venda, í øllum førum fjórða hvørt ár, Tosað hevur verið um at byggja parkeringshús og annað, men lítið verður gjørt.
Nú tekur Tórshavnar kommuna tó stig til at royna at veita fleiri parkeringspláss í býnum leygardagar, við at seta tíðaravmarking á loyvda parkering leygardag.
- Orsakað av, at tað er trupult at finna tøkar parkeringsbásar í handilsgøtunum í miðbýnum í Havn leygarmorgnar, verða nú flestu parkeringsbásarnir í miðbýnum við tíðaravmarkingini 30 minuttir eisini umfataðir av tíðaravmarking frá kl. 10 til 14 leygardagar.
Talan er um parkeringsplássini á hesum gøtunum í miðbýnum:
Niels Finsensgøta
Kongagøta
Dr. Jakobsensgøta
Bøgøta
Tróndargøta
Vágsbotn
Tórsgøta
Sverrisgøta
Býráðsgarðurin
Magnus Heinasonargøta
Kákagøta
Áarvegur
Kongabrúgvin
