- Vit hava nóg mikið at rætta uppá sjálvir, segði tann altíð sakligi venjarin hjá VÍF, Ingi Olsen, aftaná 27-27 javnleikin ímóti Kyndili fyrr í Kvøld. Ingi Olsen kom enntá inn á vøllin seint í fyrra hálvleiki, og javnaði til 17-17 beint áðrenn steðgin við einum dreymaskoti. Nakað hann eisini greiddi frá á Rás2.
Ingi Olsen staðfestir tó, at tað var erguligt at missa sigurin í seinasta sekundi, men viðgekk samstundis, at tað vóru løtur har standurin hjá VÍF ikki var góður, og liðið haltaði aftaná. Á tí kontuni var ikki so galið hjá VÍF at fáa eitt stig, sum framvegis ger, at liðið er væl við í FM-stríðnum, har m.a. tveir dystir bíða ímóti kollfirðingum ávikavist 19. mars og 2. apríl.
- Vegurin er knortlutur til FM-finalurnar, staðfestir Ingi Olsen.
TRÝST á PÍLIN undir MYNDINI, og hoyr samrøðuna Tróndur Arge gjørdi beinleiðis á Rás2 við Inga Olsen aftaná dramatiska 27-27 javnleikin millum Kyndil og VÍF.
