Nú skal løgmaður greiða frá, nær tunlarnir Norður um Fjall verða gjørdir. Tað er Bjørn Kalsø, løgtingsmaður fyri Sambandsflokkin, ið hevur biðið løgmann greiða frá málinum og tað fer løgmaður at gera um nakrar dagar.
Í hesum sambandi við Bjørn Kalsø hava at vita, nær verður farið undir arbeiðið at gera tunlarnar Norður um Fjall og hvussu stórar upphæddir, ætlanin er at seta av á fíggjarlógini næsta ár, og á fíggjarlógunum tey næstu árini, til endamálið.
Bjørn Kalsø vísir á, at nógv fólk stúra fyr, at tunlarnir norður um Fjall fara at verða útsettir, ella kanska strikaðir,tí at peningur ikki verður til allar tunlarnar, sum samgongulimir halda seg hava fingið lyfti um. Her hugsar Bjørn Kalsø um tunnil til Fámjins og til Dals.
Bjørn Kalsø vísir eisini til, at samgongan hevur sett ein tunlabólk og nú vil hann hava at vita, hvør er í honum, og hvørjar niðurstøður hann er komin til.
